ھلكرنا ئاگری دناڤبەرا دھی و ئەڤرودا

دلخاز جەمیل
جەژنا نەوروزێ ھات و نەوروز ب ھلكرنا ئاگری یا جوانە و ئەم كورد ھوسان یێن فێر بووین ل شەڤا نەوروزێ ئەم ئاگری ھلدكەین، دڤێ گوتارێ دا ئەز دێ بەحسا ھلكرنا ئاگری كەم، ژبەركو ب گەلەك شێوەیان مرۆڤ دشێت دەربرینێ ژڤێ رۆژێ بكەت ب ھلكرنا ئاگری، ئەو ژی ئاگرەكێ بووش و دكێلا وی ب سەر باژێری ڤە بچیت وەكی سوتنا تایران و رەنگە ژی مرۆڤ ئاگرەكی ھلبكەت و ڤێ رۆژێ و پیروزیا جەژنا نەوروزێ لبیر بینیت و چ زیانێ ژی ل كەسێ و تەندروستییا كەسێ نەكەت، كو ھەر ئێك ژمە ل مالێن خوە دشێت ڤێ چەندێ بكەت.
ھەر جار د نەوروزێ دا چەندین شیرەت دھێنە كرن ل سەر نە ھاڤێتنا گولێن تڤەنگان و نە سوتنا تایرێن ترومبێلان دا ژینگەھـ پیس نەبیت و كەس ب ڤان گولان بریندار نەبیت، لێ ھەر جار ژی ھندەك كەس زێدەگاڤیێ دكەن و دبنە ئەگەرێ نەخوشیێ بۆ ھندەك كەسێن دی یێن بێ گونەھـ خوزیا مە شیابا ئەم جەژنێ لبیر بینین و خوشیێ ژێ وەربگرین و ژینگەھا خوە و تەندروستیا خەلكێ خوە ژی ب پارێزین.