هەرێما کارتوونی، شوین دەستێ دەرکییە یان ناڤخۆیی؟

نزار پیرو
وەکو دیار و ئاشکەرایە ئەو دیفاکتوویا نها یا باشۆرێ کوردستانێ هەی، ژبلی وێ چەندێ کو بەرهەمێ خەبات و خوینا هەزارەها شەهید و شۆرەشگێرایە، بەلێ ب عەمەلی، ئەو دیفاکتو چێ بوو، ژ ئەگەرا دەسپێکرننا کومپلوتوویەکا (سیاسی جەنگی) یا جیهانا رۆژاڤا ب سەرکێشییا ئەمریکا ل ڕۆژهەڵاتا ناڤەراست، کو ئەنجام ژێ ئەوبو دروستبوونا هەرێمەک کوردی فیدرال، ل عێراقەکا ب ناڤ فیدرال و ب ناڤەرۆک تائیفی و لەرزۆک.

هەڵبەت گاڤا توو بەشەکە فیدرالبی ژ دەولەتەک بڤی رەنگی، دێ دهەمان کاوداندا بی، بەلێ سەخمەراتی وێ چەندێ، هەرێما کوردستانێ شییا دووان بیست ساڵێن ژییێ عێراقا پشتی سەدامی و  پشتی حوکمێ بەعس، خۆ جیاوازتر ببینیت ل بەشێن دی یێن عێراقێ و بتایبەت دوارێ ئێمناییێدا و وێ چەندێ وەکر کو هەرێما کوردستانێ ببیت وێزگەیەک ئامن بو سەدان رێکخراو ئاژانس و کونسلگەریین وەڵاتێن جیهانێ..

ئاریشێن ئابۆری و سیاسیێن ناڤخۆ یێن هەرێما کوردستانێ و وێ هەڤرکییا دناڤبەرا هێزێن سیاسیدا هەی ل ئالیەکی و ژ ئالییەکێ دیڤە نەرازیبونا خەلکی ل بەرامبەر خزمەتگۆزاری و لبەرامبەر وان ناکوکییێن سیاسی کو دبنە مەترسی لسەر قەوارا هەرێمێ و پاشەڕۆژا وێ یا نەدیار وەکر، کو ئەڤ بابەتە و ئەڤ مەترسییە ببیتە جهێ هۆشداریێ بو هێزێن سیاسی و بو سەرکردێن هەریمێ ژلایێ پەرپرس و کونسلێن دوەلەتێن جیهانێ، کو سەرکردێن کورد و هێزێن سیاسی یێن کوردی لخۆ بزڤرن و هەست ب مەترسییا بکەن و  و ئەڤ هەلویستە بو ئەگەر، کو وان هێزێن کوردی زویرو نارازیکەت و وان بدووروییی ب ناڤبکەن.

گەلو دڤێرێدا دوو رویی چ دگەهینیت؟ ئایا مەرەم ژێ ئەوە کو دوەلەتێن زلهێزو نوێنەرێن وان ل کوردستانێ ئەڤە بیست سالە ب مەبەست، دەرەوا ژبۆ جانکرنا کوردستانێ دکەن؟
خێرە ئەڤرو چارەنڤیسێ هەرێمێ رەش دبینن و بەحسێ گەندەلی و خۆپەرستییا دەستهەڵاتدارێن وێ دکەن!

 لهەرێما کوردستانێ گەلەک ژ روشەنبیر و هزرمەند، ئەڤرۆ گاڤا ڤێ چەندێ شرۆڤەدکەن و ل شوینا (کەری دێ بەزنە کورتانی)  و دێ گونەها مەزن کەنە ستۆیێ وانا ئەوێن رەخننا ل کوردستانێ دکەن و  بڤی رەنگی شڕوڤەدکەن، کو ئەڤە بیست ساڵە ئەو خەفکێ لبەر دەستهەڵاتدارێن کوردستانێ دانن، ھەتا ئەو گەلەک پارا ببنە بانکێت وانا و پروژا لدەف وان چێکەن، کو دەمێ ڤیان ھەمیا بلوک بکەن، ئو دوەلەتێن روژئاڤا ب شێوەیەک گشتی ئەڤە ئێک ژ ستراتیجیا وانە، دێ ئاسانکاریێ بو گەندەلیێ کەن ھەتا پارێت باش کوم دبن لبن دەستێ وان، دویڤدا دێ ھەزار تشتا دەرئێخن و مەرەم ژێ دەستدانە لسەر وان پارا، ئەڤە چەندە راستە، بەلێ یا نیڤەروویە ژبەرکو بانکێن وان دەولەتان دڤەکرینە بۆ دزوگەندەلێن تەڤ جیهانێ ھەمیێ و کارێن وان بانکان و وان دەوڵەتان، نە چارەسەرکرنا دەروون نساخییا  سەرکردە و رێبەرین وان دەوڵەتانن، ئەوێن بدزی و تالانێ سەروەت و سامانیێن وەڵاتێن خۆ دەبەن و دەینن وان بەنکان.

سەبارەت هەرێما کوردستانێ، راستییا بابەتی ئەڤەیە، گافا بەرپرسێن وان دەولەتا ئەوێن ل کوردستانێ دژین. میهرەبانی یا خەلکێ کوردستانێ ژ نزیکڤە دبینن، بدلپێڤەبوونڤە ب وی خەلکی، ئەو ڤان بووچوونا دەدەن و ڤان گللەییا دکەن .