بەراورد كرنا زارۆكی دگەل زارۆكەكێ دی!

ڕێژین ئەحمەد
‎بابەتێ بەراوردكرنا زارۆكی دگەل زارۆكەكێ دی، ئێكە ژ وان خالێن نێگەتیف دناڤ پرانیا خێزانان دا،  دەما كو زارۆكی دگەل زارۆكەكێ دی دھێتە بەراورد كرن كاریگەریەكا زور لسەر دەرون و كەسایەتیا زارۆكی یا ھەی زور جاران دەما كو زارۆك توشی ئەنجامدانا كارەكێ نە دروست دبیت یان ژی رەفتارێن وی نە جوان بن یان ئاستێ وی ل قوتابخانێ یێ لاواز بیت، خێزان توندوتیژیەكا مەزن دگەل دا بكار د ئینیت دەما كو زارۆكی  بەراورد  دكەت دگەل زارۆكەكێ دی. بۆ نمونە (ھەڤالێ/ا تە ژتە زیرەك ترە یان كورێ مەتا تە ژتە ب عاقل ترە تو ژی وەكی وی  بە فلان كەس ژتە جوانتر دگەل دەیبابێن خو د ئاخڤیت و ......ھتد). دەیبابێن بەرێز ھەر كار و رەفتارەكا زارۆك ئەنجام ددەت ژ ئەگەرێ پەروەردا خێزانێ یە، لەوڕا بەراوردكرنا زارۆكی دگەل زارۆكەكێ دی دێ بیتە ئەگەرێ پەیدابوونا پەروەردەكا نە تەندروست لدەف زارۆكی .
‎وەكی ڤان ئەگەرێن ل خوارێ:
‎١ـ  ھەبوونا كەسایەتیەكا لاواز لدەف زارۆكی پەیدا دبیت.
‎٢ـ زارۆك ھەر دەم ھەست ب نە ئارامی و نەخوشیێ دكەت.
‎٣ـ ھەر دەم دێ چاڤلێكەرێ كەسانێن دەوروبەرێن خو بیت، ھەلبەت چاڤلێكەرێ كارێن نە باش ژی ژێ پێشبینی بكە.
‎٤ ـ كەرب و كین دێ لدەف زارۆكی پەیدا بیت ل بەرامبەری وان زارۆكا یێن دگەل ھاتیە بەراوردكرن.

‎گەلەك ئەگەرێن دی ھەنە بتنێ ئەڤە ھندەك ژ وان ب كورتی بوون.
‎بەراوردكرنا زارۆكی دگەل زارۆكەكێ دی ژ ئەگەرێ نە دروستێن پەروەردەكرنا زارۆكی و سەرەدەریا خێزانێ یا نە دروست پەیدا دبیت،  دەیبابێن بەرێز زارۆكێ خو لسەر بنیاتێ باشی و چاكیێ و چاڤلێكەرێ باشیێ پەروەردە بكە لێ نە بھێتە بەراورد كرن كو د پاشەروژێ دا بیتە خودان كەسایەتیەكا لاواز.