کورد د هاوکێشا ململانێ یا هەلبژادنێن تورکیادا

د. مەسعود سلێڤانەی
دگەل وێ چەندێ کو پێشبینی دئێتە کرن ل هەلبژاردنێن سەروکاتیا کوماری ل تورکیا، سەرۆکێ وی وەلاتی یێ نوکە #ئەردوغان ل بەرمبەر بەربژێرێ لایەنێن ئوپوزسیونێ #کلیچدار_ئوغلۆ توشی ئێکەم شکەستن ببت پشتی ٢٣ سالێن حوکمڕانیێ، و ئەگەر هات  وئەنجام ب ڤی شێوەی بن، ئەڤە بێ گومان دێ گورانکاریێن مەزن ل ناڤخویا تورکیا و روژهەلاتا ناڤین و هەروەسا دەولەتێن جیرانێن تورکیا روی دەت، (ب تایبەت ل عێراق و سوریا، کو سیاسەتا نوی یا دەولەتێ دێ گرنگیێ ب حکومەتێن ناڤەندی یێن وان وەلاتان دەن و کورد دێ د زەرەر مەند بن ژ پەیوەندێین نوی)، لێ ب دیتنا من و ئەوا گرێدای ب باکورێ کوردستانێ ڤە، ئەگەر بەشەک ژ سیاسەتا دەولەتێ بەرامبەر گەلێ کورد ل باشور رویبدەت (بەرەو باشتر) دێ گورانکاریێن دەمکی بن و رەنگە ئاریشێن گەلێ کورد و باکوور ئالوز تر بن، ژ بەر دوو ئەگەران:-
-١ د مێژوتا حکومەتێن تورک دا و ب تایبەت پشتی کودەتایا سالا ١٩٨٠ ب سەروکاتتا ژەنەڕاڵ #کەنان_ئەڤرەن، و حکومەتێن ئیئتیلافی یين سالێن نوتاندا، مەزنترین گورز ل سەرانسەری تورکیا ل بەر خەلکێ باکور کەفتی نە و زەرەمەندێن ئێکانە بوینە ژ ڤان جورە حکومەتان، ئەڤە ب واتایا وێ ئێکێ ناهێت کو گەلێ کورد مفادارێن سەرەکی بوینە ژ حکومەتێن ئێک ل دیف ئێکێن ئاک پارتی و ئەردوغان!!
٢- کەمال کلیچدار ئوغلوو ئەو چەند نەڤەشارتی یە کو دێ هەمان سیاسەتا کەمالیست بو ب رێڤەبرنا دەولەتا تورک ب کارئینت، و ل ڤێرێ دیروک شاهدە کو مەزنترین قوربانیێن ڤێ سیاسەتێ ل تورکیا هەر کورد بویبە!!
ژبەر ڤێ چەندێ ب دیتنا من کورد د ڤێ هاوکێشێ دا دڤێت تەکەزیێ ل سەر ب دەستڤە ئینانا پتریا کورسیێن دەڤەرێن کوردی ل باشور بکەن و مەزنترین فراکسیونا کوردی ل پەرلەمانی دروست بکەن و بڤێ چەندێ کورد دشێن “تا راددەیەکێ“ هاوکێشێن سیاسی یێن پشتی ئەردوغانی ب بەرژەوندیا دوزا مللەتێ کورد ب پارێزن.