ما زارۆكێن ماموستایا ژی نە مرۆڤن

وەلید سلێڤانەی
 ئەڤە دوو سێ روژە بابەتێ هەرە گەرم و سوشیال مێدیا شاراندی و کوردستان ئێخستیە د حالەتێ ئامادە باشیێ دە، ئەوژی دەمێ بلافکرنا وێنە و نمرە و ئەنجامێن زارۆكێن خو. وەکو هەر سال من گازندە و کومێنت و رەخنێن بێ رامان و قەسێن کرێت و بێ رێزی دیتن. ئەرێ بوچی زارۆكێن ماموستایێن وێ قوتابخانێ دەوامێ دکەن، هەر دەم یێن ئێکێ نە. چ بێبەختینە ل ماموستایا و زارۆكێن وان دهێنە کرن دەمێ کابرا دبێژت ماموستا هەی بێ وژدان و زالم و گەندەل تو جاوا د شێ بنڤێ و ئێک دبێژیت هاوارا خو دگەهینمە وەزیرێ پەروەردێ. و یێ رەوشەنبیر و چالاکڤان لایفی ڤەدکەت و دبێژیت هیییڤی دکەم رێڤەبەرێ پەروەردێ بێتە سەر خەت بو ڤێ گەندەلیێ. یێ دی کارتا کچا خو ب ڤیدیو بلاڤدکەت و نمرێت وێ نیڤەک حەفتێ و هەشتێ نە و دبێژت کجا من یا ئێکێ بو لێ ستێ کرە یا دویێ ژبەر دا کچا وێ بتە یا ئێکێ و یێ دی دبێژیت بلا پەروەدە لیژنەیەکێ پێکبینت و دیڤچونا وان زارۆكێن ماموستایان بکەن ئەوێن بوینە یێن ئێکێ. وەی بابو ئەڤی داخازا تشتەکێ چەند مەزن کر داخازا هەمی مافێ خو یێ سیاسی و مروڤایەتی و دارایی کر داخازا دادپەروەریێ کر سەرانسەری کوردستانێ.
بوتە نموونەکا بەرچاڤ هەی خودانێ لیژنێ. ئەو قوتابخانا ئەز لێ ب دەهان زارۆکێن ماموستایان لێ دەوامێ دکەن هەنە و ماموستایی هەی زارۆكێ وی ب سێ چار وانا کەفتی و یێ هەی ب عبور دەرچوی ویێ هەی زارۆكێ وی نە بویە یێ دەهێ ژی هەیێ زارۆكێ وی بو یێ ئێکێ ئەرێ ما زارۆكێ ماموستایی چ ژ زارۆكێ تە کێمترە، ئەرێ ما چیە ئەگەر دایک و باب ماموستابن و خو بێهنڤدانا هاڤینێ ژ ماموستا یێ ب زارۆكێ خوڤە ویێ فێر دکەت وداخلی خولێن زمانی وبهێزکرنێ دکەت وماموستا ب شەف و روژ یێ هەول دەت ودبێژتە زارۆكێن خو باش بخوینن وهەرن کولیژێن باش دا هوین وەک دەیبابێن خو نە بنە مـــــــــامـــوستا ژبەر ماموستا ل ڤی وەلاتی چ خوشی و رێز و بەها و قیمەت وماف نەدیتیە ونەبویە.  ئەکەر ل هوچکێ خو بگەریت ناهێلن زارۆكێن وان نمرێن نە باش بینن تە زانی ژبەر چ زارۆكێن ماموستایا ئێکەمینن تو چاوا ڤێ بێ رێزیێ ل بەرامبەری وی کەسی دکەی ئەوێ دگەل تە و هاریکاریا تە دکەت د پەروەردکرنا زارۆكێ تەد دە یان گازندا وان ئەوە بوچی زاڕوکێ من ب سێ بابەتا ۱۰۰ بریە و دوو بابەتا نووت یان هەشتێ بریە، دڤێت یێن دی ژی سەد بن؟
 ئەرێ ما نەقشێ مەحفیرێ یە، دڤێت هەمی نمرە وەک ئێک بن ئەڤ سالە ژی ماموستایا بۆ زارۆكێن خو ب بابەتێن وەرزێ و هونەر و موزیکێ ۱۰۰ یێن بۆ داناین دابنە یێن ئێکێ.
ئەرێ تو دزانێ هونەر و موزیک و وەرزش بابەتێن (شیانینە)نە یێن هزرینە وەک بیرکاریێ لەورا دبیت قوتابی شیانێن وەرزشی وهونەری لدەف کێم بن یان خودان لەشەک لاوازبت لەورا نمرا سەد بو ناهێتەدان. ئەرێ تو دزانێ ئەف نازداریا تو ل زارۆكێ خو دکەیی د ئایندەدە بو بیتە باشترێن باهانا کو ژ خواندنێ برەڤیت وفێری نەوەیێ ببیت. ئەرێ چ سیستەم و یاسا دبێژن نمرا وەرزشێ لبەر یا کوردیی دانە و یا ئینگلیزیێ ١٠٠ دڤێت ێا هونەرێ ژی ١٠٠ بیت کارتەکا عنتیکە من دیت بابی گوتیە کچا من چار سەد یێن هەین تنێ بیرکاری و زانست نە سەدن ماموستایی یا وەکری دا کچامن نە بیتە یا دویێ ویا ماموستایی بیتە یائێکێ و ئەو بخو دەرچویا رێزبەندیا شەشێ بو.
ئەرێ هوین دزانن وەزارەتا پەروەردێ سیستەمەکێ هەی دبێژنێ(e.p)سەرجەمی ئوتوماتێکی کوم دکەت و خو پویینتێ دنڤێسیت، هەر دەهێن ئێکێ دەستنیشاندکەت دا غەدرە ل چ قوتابیا نە بیت. هەردەم قوتابێن هەوە ئێمانەتن و ماموستا ژی وژدانە، هەر دەمێ وژدان نەما ئەمانەت ژی نامینت.