قوتابیێن ئێکەم و زارۆکێن مامۆستایان

حازم عەلی
ئێکەمبوونا زارۆکێن مامۆستایان ئاریشەکا کەڤن نییە و ھەرسال گوھبیستی ڤان ئاریشان دبین، لێ ڤان سالێن دوماھیێ ل حالەتی بویتە دیاردە، تایبەت د ئەڤ سالەدا راگەھاندنێ ئاریشا ئێکەمبوونێ کرە پرس و دبێژن رێژەیا وان قوتابیێن ئێکەمێن زارۆکێن مامۆستایا ناگەھیتە سەدا ١٠، لێ گریمان دووەم و سێیەمیش بکەڤنە بەر گەنگەشێ رێژە دێ بیتە چەند؟؟!!
دڤێت دیڤچوونێن تەمام ژلایێ کارگێریێ قوتابخانان و سەرپەرشتیارێن پەروەردێ بھێتە کرن، ل نمرە دانانا وانەیان ژلایێ مامۆستایان تایبەت ھەردووک وانێن پەروەردا ھونەری و پەروەردا وەرزشی زۆربەیا ئاریشەیا دڤان ھەردووک وانەیان دھێتە دیتن،  گرنگە وانەیێن ھونەر و وەرزش ژلایێ پسپۆرێن وان ڤە بھیتە گۆتن وەک وانێن دی گرنگیا تایبەتا خۆ ھەبی.
ھەروەسا دڤێت مامۆستا ھەمی قوتابیان وەک زارۆک و کەسێن خۆ ببینی خۆ دویربگری ل جیاکاریێ  دناڤ قوتابیان ب وژدان و مۆرال سەردەریێ دگەل نمرە دانانێ بکەت بھیج ئاوایەکی قەبوول نەکەت پشتی نمرە دانانا وی دەستکاریا نمرەیێ وانێن وی بھێتەکرن ژبلی ھندەک حالەتان بۆ دەرچوونا قوتابیان.