سەرۆک کوماریا تورکیا و ئایندەیێ کوردان

بیلال ئیحسان
هەڤرکییا لسەر سەروکاتیا تورکیا دناڤبەرا (ئەردوغان و کلچدارئوغلوی)دا، پەیوەندیەکا ب هێز ب ئایندەیێ کوردان ڤە هەیە، ب  جورەکێ سەرکەفتنا ئەردوغانی خالێن ئەرێنی و نەرێنی بۆ کوردان هەنە، خالا ئەرێنی سەقامگیریا کوردان ل باشورێ کوردستانێ دێ هێتە پاراستن و هیج مەترسیەک لسەر دەستهەڵاتا کوردی ل باشورێ کوردستانێ نینە، ژبەر وێ لێک تێگەهشتنا باش یا دناڤبەرا حوکمەتا هەرێما کوردستان و دەستهەڵاتا تورکیا ب سەروکاتیا ئەردوغانی دا هەی، خالێن نەرینی ژی ئەوە دەستهەڵاتا ئەردوغانی مەترسیەکا مەزنە بۆ سەر سیاسەت و دەستهەڵاتا کوردی ل ڕوژئاڤایێ کوردستانێ و سیاسەت و دەستهەڵاتا  دیموکراسی ل باکورێ کوردستانێ .

لێ بدەست خستنا دەستهەڵاتێ ژلایێ کلیچدارئوغلوی، ڕەنگە گوهورینەکا  ڕیشەی دناڤبەرا پەیوەندیێن تورکیا و کوردان دا پەیدا ببن ب ڕەنگەکێ تورکیا دەست ب ڤەکێشانا دەست تێوەردانێن لەشکەری  ل ڕوژئاڤایێ کوردستانێ بکەت و تورکیا دەست ب سیاسەتەک نەرم و دیر ژ توندو و تیژیێ لگەل کوردان دەست پێ بکەت، هەر چەندە پارتا جەهەپە پارتەکا کەمالیستیا توندە و تەرکیزێ لسەر ئێک زمان و ئێک ئالا و ئێک نەتەوە ل تورکیا دکەت، بەلێ ژبەر سیاسەت و ڕەگەزێ سەروکێ ڤێ پارتێ، کو دبنەڕەت دا کوردە، ب شێوەک گشتی دبەرژەوەندا کوردان دابیت ژ هەڤرکێ خو ئەردوغان .