ئەرێ ھێشتا ئەم پێشمەرگەینە؟!!

بێوار یونس فەقی
 د تەنگترین دەلیڤەدا هاوار هاوارێن مەبوون، مەهەمیان ب هەموو تەخ و چینانڤە هاوار دکر و رۆندک دڕژتن و مەدگۆت ئەم هەمی پێشمەرگە،
پێشمەرگە ئەو کەسەنە، یێ کو گیانێ خو پێشکێشی گەل و ولاتێ خودکت هەر دەما نەخوەشیەك هات پێش، بێ دودلی یێ بەرهەڤە سینگێ خوەبکت قەلغان بۆ گولەیێن دوژمنی و بەرەڤانیێ ژ گەل و ولاتێ خو بکت هەمی دەما بەرهەڤە گیانێ خو یێ پیروز پێشکێشی گرنژینا سەرلێڤیت زاروکەکێ ولاتێ خو بکت.
 پێناسا ڤان قەهرەمانا کارەکێ زەحمەتە و ئاسان نینەدەمێ مازنترین دوژمنێت دژی هەمی پرەنسیپێت مروڤایەتیێ تروریستێن (داعش) نێزیکی دارازینکێن مالێن مەبوین مەهەمیا ب یێك دەنگ دگوت، ئەم هەمی پێشمەرگەنەو مەئەڤ دروشمە بەرزدکر ب هزران قەهرەمانا گیانێ خویێن پیروز قوربانی هەبوون و ئازدیا مەکر هزران پێشمەرگێن قەهرەمان پارچەك یان نیڤا لاشێ خو قوربانی ئازادیا مەکر، ئەرێ مە نوکە بەرامبەر وان هەمان هەست ماینە؟ ئەرێ نوکەژی ئەم هەمی پێشمەرگەنە یان تنێ مە دروشمەك د تەنگاڤیا بەرامبەر ڤان قەهرەمانا بکارینا، ئەڤ ئەرێیە و سەدان ئەرەیێن دی وژدانا مە نەئارام دکن، چنکو نابت ب چ رەنگا خزمەت و ماندیبین خوگوری کرن و مێرخاسیا ڤان قەهرەمانا ڤیان و حەژێکرنا وان د دل و ناخێ مەدا لاوازببت، داکو هەست ب بێ وژدانیێ نەکین بەرامبەر جانگوریا وان، ئەرێ مانە دەمە ل درووشم و پەیڤێت خو ببین خودان و دروشمین خو بکیێن کردار و بسەلمینین کو ئەم هەمی پێشمەرگەنە، پێویستە ب دەستەکێ بەرفرەھـ و دلەکێ بەرفرەهتر دگەل زاڕۆکێن وان بین.