خوێندكارێن زانكویێ دناڤبەرا زمانێن (كوردی، عەرەبی و ئنگلیزی)دا بەرزەبووینە!

نورھان عەلی
ئێک ژ کێشە و گرفتێن گەنجی یان ژی بێژین خوێندکاری دڤی سەردەمێ نها ئەم تێدا ئەوە، کو دێ بدرێژاهیا سالێن خواندنا قوتابخانەیان ب زمانێ کوردی خوینیت و دێ ب رێژەیەکا گەلەک کێم زمانێن دی وەکی عەرەبی و ئنگلیزیێ خوینیت، هند کێم تا وی رادەی پشتی خواندنا قوتابخانێ بدوماهی دئینیت، نەشێت ب وێ عەرەبی و ئنگلیزیا فێر بوی خۆ برێڤە بەت. هەر وەک ئەم دزانین، ل زانکۆیان پتریا خواندنێ ب زمانێ ئنگلیزی یان عەرەبیە و ل هندەک جهێن کێم نەبیت، کو ب کوردی قوتابی بشێت بخوینیت، سەرەرای هندێ کو برێژەکا گەلەک کێم خوێندکار ل کوردستانێ ب تەمامی زمانێ عەرەبی و ئنگلیزی دزانیت.
لڤێرە دێ بتنێ خوێندکار زەرەرمەند بیت، زەرەرمەندە لێ نە بەرپرسە ژ ڤی حالەتی، ژبەر کو سیستەمێ خواندنێ یێ نها دخوینیت ل قوتابخانەیان کێماسێن تێدا هەین و رژدی بۆ فێربوونا زمانان ل قوتابخانەیان نینە وەکی پێدڤی، ئەڤە ژی دێ بیتە ئەگەر کو قوتابی لدەمێ چون بۆ زانکۆیان بنیاتەکێ بهێز نەبیت و نەیێ ئامادە بیت بۆ زانین و تێگەهشتنا وان بابەتان یێن ب زمانێن بیانی دهێنە خواندن.
لڤێرە دوو چارەسەریێن هەین یان رژدی وەکی پێدڤی بۆ فێربوونا زمانان ل قوتابخانەیان تا وی رادەی قوتابی پشتی بدوماهی ئینانا قوتابخانێ ئامادە بیت بۆ زانکۆیێ یان ژی مامۆستایێن زانکۆیان و زانا دبوارێن جودا جودا دا پتر داهێنان و ڤەکۆلینان بکەن، ب زمانێ کوردی و ژێدەرێن پێدڤی بۆ خواندنێ ب زمانێ کوردی دابین بکەن.
ئەگەر چارەسەری بۆ ڤێ چەندێ بهێتە کرن، دێ بیتە ئەگەر کو گەنج پشتی بدوماهی ئینانا قۆناغێن خواندنێ ل قوتابخانە و زانکۆیان، ئامادە بیت بۆ کارکرنێ و کارکەرەکێ خودان شیان لێ دەرکەڤیت و بیتە جهێ مفای.