مە چەند ڕۆژنامەڤان هەنە؟!
4 مانگ پێش ئێستا
مەروان
داود
🔸 پێش شەش سالان من حەزەکا ئیکجار یا
مەزن، و بێ سانسۆر لسەر کارێ ڕاگەهاندنێ هەبوو، بەردەوام من بینەریا ڕاگەهاندکارێن
عەرەب یێن بەرچاڤ دکر، من بەشداریی د گەلەک ورک شۆپان دا کر لدۆر ڕاگەهاندنێ، ل چەندین
ڕۆژنامە و دەزگەهێن ڕاگەهاندنێ من کار کر، و پتریا جاران ژی خوەبەخش من کار دکر،
ژبەر هەبوونا حەزەکا زێدە یا من لسەر ئەڤی مەجالی...
🔹 دکارم بێژم هەتا ئاستەکی من دەستەکی
باش یێ نڤیسینا راپۆرت و گۆتاران هەبوو، زێدەباری هەبوونا دەنگەکێ باش بۆ خواندنا
راپۆرتێن دیکۆمێنتەری، لێ پشی دوو سالان، ڕۆژ ب ڕۆژ ئەو حەزە من هەی د ئالیێ ڕاگەهاندنێ
دا کێم بوو، هێدی هێدی نەما، ئێک ژ تشتێن هەرێن باش یێن من کری، وەختێ من پۆلا شەشێ
ئامادەیی تەمام کری، من بۆ چ پەیمانگەهـ و کۆلیژێن ڕاگەهاندنێ پێشکەش نەکر کو بچم
لێ بخوینم، سەرەرایی گەلەک هەڤال و مامۆستایان هاندانا من دکر بچم ل جهەکی ڕاگەهاندنێ
بخوینم ژی...
🔹 ئەڤ بێ هیڤیبوونا من ژی هەموو بۆ
وێ چەندێ ڤەدگەریت، ئەو ئیفلاسا د نهودا ڕاگەهاندنا کوردی کەتیێ ب زەحمەت تو ل چ
جهان ببینی!! پتریا ئەو کەسێن د نهودا د دەزگەهـ و تەلەڤزیوونێن کوردی دا دهێنە خوەیاکرن،
بتنێ یا وان دڤیت ئەوا ل سەر شاشێ دەرکەڤن و ئەکتیڤا تیکتۆک، سناپ، ئەنستگرامێن خوە
پێ زێدە بکەن نە زیدەتر ب نسبەت وان گرنگ نینە بابەت چییە و چ دبیژن ژی.. !
🔹 د نهودا ئەڤ هەموو کەنال و ب ناڤ (ڕۆژنامەڤان) + مایک هەلگر،
و ڕۆژانا ڤەبوونا دەزگەهەکی ڕاگەهاندنێ، هیچ ئێک ژ ڤان نەشییا تشتەکی جیاواز بکەت،
بەلکو پتریا وان کۆپیکرنا یان چاڤلێکرن.. !
🔹أحمد البشير - Ahmad
Albsher ڕۆژنامەڤانەکی
عراقی - عەرەبی یە دکارێت بتنێ ب دوو خولەکێن ڤیدیۆ بهێزترین کەسایەتی و حزب ل عیراقی بازارە وان لێکدانی
سفر بکەت یان ب نڤیسینا هاشتاکەکی دوو پەیڤ رەییا خەلکێ عیراقێ ب گشتی بلڤینیت، د ڤان
هەموو کەنال و دەزگەهێن ڕاگەهاندنێ دا مە چەند کەس هەنە کو شیانێن نڤیسینا بابەتەکی
هەبن رەییا گشتی ب ئازرینن لسەر هەر بابەتەکی
هەبیت؟؟ ب راستی ژی ئەگەر لدوویڤ لۆژیکی و پێناسە دروست یا ڕاگەهاندنێ تو بێژی مە
چەند ڕۆژنامەڤان هەنە ل ڤان دەزگەهان و کەنالان؟
دبیت ب
قاسی تبلێن دەستان مە هەبن نە زیدەتر.
🔹 ل چ جهێن دنیایێ نینە پێشکێشکار
و پەیامبێر و مایک هەلگر سبەهێ کارێ ڕۆژنامەڤانیێ بکەن، و پشت نیڤرۆ ڕێکلاما کەباب
و شامپۆ و کوکا کۆلا بکەن..