ئەردوغان خەلیفێ چەرخێ بیست و ئێکێ
4 مانگ پێش ئێستا
خورشید ئەحمەد سورچی
پشتی کو ل گەڕا دووێ ئەردوغان شیا سەرکەفتنێ بسەر ڕکابەرێ
خو بیئینیت و پێنج سالێن دی یێ دەستهەلاتێ مسوگەر بکەت، ڕەنگە یا سەیر نەبیت کو ئەردوغان
دێ جارەکادی سیاسەتا خو درێژە پێددەت و دێ پێکولان هاڤێژیت بۆ زڤڕاندنا ئیمپڕاتۆریا
عوسمانی، گەلەک جا ئەز دبێژمە هەڤالا ئەردوغانی سیاسەتەک یا هەی ب ناڤێ (ئیسلامیکولەر)،
کو ب ڕێکا ڤێ سیاسەتێ نە دلێ ئیسلامیان و نە دلێ سیکولاریان ژخوە دهێلیت.
یا گرنگ ئەوە ئەم بزانین کا ئەردوغان پشتی سەرکەفتنێ دێ
بیتە سەروکەک بۆ کومارا تورکیا یان ژی دێ بیتە خەلیفەک بۆ تورکیا، چونکی ئایدیا سەروکی
و خەلیفەیی دوو تشتێن ژێک جودانە د تێڕوانینا ئەردوغانی.
ب دیتنا من ئەڤ پێنج سالە دێ بنە پێنج سالێن گەلەک ب
ئاستەنگ بۆ تورکیا، چونکی دێ سیڕاعێن مەزهەبی و ئایدی توندتر لێ هێن و دێ ئەردوغان
پێکولان کەت کو دەق و بنەمایێن ئیسلامی بێختە ناڤ کاروبارێن دەولەتێ، کو ئەڤ چەندەژی
بەروڤاژی ماددێ دووێ یێ دەستورێ تورکیاییە.