کاریگەریا میدیایێ لەسەر ئاراستەکرنا تاک و چڤاکی

حازم عەلی
میدیایێ بھەمی جۆرێن خۆڤە یێن بینراو و بیستراو و خوێندراو ،کارتێکردنێن راستە راست لسەر لسەر ئاراستەکرنا تاکی و کۆمەلگەھێ ھەنە، ڕەنگە ل کەسەکی بۆ کەسەکێ دی یان ل کۆمەلگەھەکێ بۆ کۆمەلگەھەکادی جیاوازی ھەبی، لێ بگشتی میدیا ڕۆلەکێ مەزن دبینی دپرۆسەیا بەکۆمەلایەتیبوونا مرۆڤی د کۆمەلگەھێدا ئاراستەکرنا تاکی و ڕەیا گشتی د کۆمەلگەھێدا لسەر پرسگرێک و ژین ژیانا ڕۆژانەیا چڤاکی....
دنھادا د شێین بێژین میدیا و کۆمەلگەھ ناھێن ژێک جوداکرن تاک و چڤاک پشت ب زانیاریێن میدیایێ دبستەن بشێوازەکێ ھاتیە ناڤا ژیانا مرۆڤایەتیێ زەحمەتە مرۆڤ بشێ خۆ ژێ رزگاربکەت حەتا و پێتڤیێن ڕۆژانەش ھەر ل ڕێیا مدیدیایێ دھێنە دابین کرن وەک بازرگانیکردن و فێربوون ...ھتد.
پەیڤا media ب ڕامانا گەیاندن دھێت بکار ئینان، بۆ وان ئامرازێن پەیام پێ دھێتە گەیاندن کوو ئەرکێن وان ڤەگوھاستنا فەرھنگ و بیر و باوەرێن چڤاکینە. ڕاگەیاندن ل شارستانیەتێن نوو پەیدا بوویە کەفتیتە بەر سەرنج و تێبینی، نھا میدیا پێکدھیت ژ چەند ئامرازان وەک: تەلەڤزیون، ئینتێرنێت، گۆڤار، ڕۆژنامە، ڕادیۆ، سەتەلایت....ھتد.
ھەر ل دەستپێکا پەیدابوونا میدیایێ ژلایێ دەسەلاتێن کۆمەلگەھان ب ئاوایەکێ ھۆشیارانە ھاتیە بکارئینان، بۆ ئاراستەکرنا تاک و چڤاکێ ژبۆی ئاسۆیەکێ رۆھنتر و ھشیارکرن یان خاپاندنا چڤاکی ل پرسگرێک و ژین و ژیانا جڤاکی. لێ ژ دەرئەنجامێن پێشکەفتا دیجیتال میدیایێ ئالودەبوونا مرۆڤی خۆگرتن ب تۆرێن چڤاکیڤە دەرئەنجامێن نەگەتیڤ لسە تاک و چڤاکی دروستکرینە...