بریارا دادگەھا فیدرالی سەبارەت درێژكرنا پەرلەامنێ كوردستانێ!!

زرار ئورەی
دھی دادگەها فیدرالی بریارا نە دەستوری بوونا درێژکرنا ماوەيێ سالەکێ بۆ پەرلەمانێ کوردستانێ دەرێخست، ژ رویێ یاسایی ڤە دێ چ کارتێکرنێ لسەر هەرێما کوردستانێ کەت؟ بدیتنا من بریارەکا سیاسی بویە ژ بەری کو بریارەکا یاسایی بیت، ژبەرکو بریار ب زورینەیا دەنگا هاتیە بەسەندکرن، نە ب کو دەنگی یی.
پشتی کو ماوێ پەرلەمانی هاتیە زێدەکرن هەر یاسایەکا هاتیە دەرێخستن ژلایی پەرلەمانی ڤە دێ هێتە هەلوەشاندن و کار پێ ناهێتەکرن. دوو یاسایێن گرنگ دڤی ماوەی دا دەرچوینە یاسایا کرێکارا کو ژ نێزیکی دوو سەد بەندا پێك دهێت و یاسایا پەروەردێ ئەو ژی نێزیكی سەد بەندانە، دڤیابا دادگەها فدرالی ئەڤ چەندە بەرچاڤ وەرگرتبا.
هەر وەسا ئەگەر هەلبژارتن ژی بهێنە ئەنجام دان ب رێیا کومسیونا هەلبژارتنێت هەرێمێ دێ نەدستوری بن ل دیف بریارا دادگەهێ ژبەر کو کاراکرنا کومسیونا هەلبژارتنا پشتی زێدەکرنا ماوێ پەرلەمانی بۆ لڤێرێ دڤێت پەنایی بۆ کومسیونا ئیراقێ ببەین داکو سەرپەرشتیا هەلبژارتنا بکەت.