فەرانبەریێ ژی ئەتەكێتێن خوە یێن ھەین!!

ئاڤی سەبری
رۆژەكێ دانعەمرەك و ھەڤژینا خوە چوونە پانكێ دا مووچێ خوە وەربگرن، فەرمانبەرەكی ل بەردەری گوتە وانا، كا ھەویا خوە یا خانەنشینێ بدەنەف من و خوە بگرن. كەیفا ھەردووكان ب رەفتارا وی ھاتن و خوە ل ھیڤییا وی گرتن. ھەر چەندە ل ئەوروپایێ سیستەمێن پێشكەفتی یێن ھەین و دێ ئێكسەر پارێن خوە وەرگری و نزانم پا ئەڤ بەرپرس و خودان دەستھەلاتە ھندە دچنە بەغدا چ، ئەگەر چ مفای ژ سەربورێن وان وەرنەگرن؟!!
ھەر چاوا بیت دەھـ خولەك دەرباز نەبوون، ھەویێن وان بۆ ئینان و چوونە بەر پەنجەرێ دا موچێ خوە وەربگرن. فەرمانبەرا ل پشت پەنجەرێ ژوان ژنان بوون، ئەڤێن سێكا موچێ خوە ل لێڤ و لەمتورێن خوە د مەزێخن و ھندی كوتلكەكێ لێدكەن، وێ فەرمانبەرێ پرسیار ژ زەلامی كر، لێ زەلام یێ گوھـ گران بوو و گوتێ بەلێ، فەرمانبەرێ و ھەڤالا وێ ب ترانا یاری پێكرن، كو یێ گوھـ گرانە.
ھەڤژینا وی لێ ڤەگەراند و گوتێ ئەو ھندی باپیرێ ھەوەیە، ھین بوچی پێدكەنە كەنی؟ فەرمانبەر شینا داخازا لێبورینێ بكەت، ھەویا زەلامی ھاڤێتە بەر وان، ھەر وەكو كەسەك نانەكی دھاڤێژیتە بەر سەیەكی. زەلام ژڤێ رەفتارێ حێبەتی و سەرسورمان ما.
ھەڤژینا وی دەنگێ خوە ل فەرمانبەرێ بلند كر و گوتێ: تو دزانی بوچی ھەڤژینێ من یێ كەربووی، ژبەركو ل سەر دەمێ بەعسییان ئێكێ بەعسی شەقەك لبنێ گوھێ وی دابوو و تا نوكە یێ كەربووی، ڤێجا باجا وی ئەوە ھین ترانا پێبكەن.
زەلامی گوتە ھەڤژینا خوە دا ڤەگەرین مالێ، ھەڤژینا وی گوتێ ئەڤە مافێ تەیە و ئەم بۆ وان ناھێلین و پشتی شەرو دلمانێ، ھەردووكا موچێن خوە وەرگرتن و ڤەگەرییان.
زەلامی بدەنگەكێ خەمگین گوت: نزانم دێ كەنگی بۆ خوە مرم و ژڤێ سالوسكیێ رزگار بم.