ماموستا و قوتابی دناڤبەرا نال و بزمارا

وەلید سلێڤانەی
خوزی دەرگەهێن قوتابخانا ڤەببان، لێ نە بڤان سەر و دلێن شکەستی ڤە و بەریکێن ڤالا و نە قوتابی ب جلکێن پار سال و پێلاڤا دریایی پێشوازی لێ کربا! خوزی نە ب ڤان بریار و موزایدا و داشکاندنا د دەوامێ دە بۆ ماموستایا هاتیە کرن و خوزی نە ب هیڤیا شاندێن هاتن و چونا بەغدا و هەڤلێرێ ماموستایی دەوام کربا .
دێ بلا سالەکێ ب خوەشکڕنا ژین وژیار و دانا موجەیێ ماموستایی و ڤەکرنا قوتابخانێن موودرێن وەکو یێن زاروکێن وان لێ دخوینن و گوتبان دێ ئەڤ سالە خوارن ل قوتابخانا هێتەدان، پاشی بلا سالا نویی یا خواندنێ دەسپێکربا خو بلا خەون ژی با.
لێ سەرەرای ڤێ چەندێ و تا رادەیەکێ ڤەکرنا دەگەهێن قوتابخانا دێ خوشی و ژیانەکا نوو ئێخیتە دناف قوتابیان دە و دڤێت ئەم هەمی ول دەسپێکێ ماموستا ب سەر و چاڤێت ڤەکری و  بگرنژین پێشوازیا قوتابیا بکەین و وژدانا خو بدەنە کار ژبەر قوتابی ئەمانەتە و بلا گونەها قوتابی نەکەینە ستویێ خو و ئەم ژی بێژین ئەوووو و خودێ لێ دڤێت سەمیانێن قوتابییان بۆ ڤێ چەندێ خو کێم خەم نەکەن و خو و زارۆکێن خو فێری سیستەمەکێ نوو بکەن، جێواز ژ یێ بێهنڤەدانا هاڤینێ و گوهێن وان پر بکەن ژ گەشبینیێ و دویر ژ چیرۆکێن نەخوش ئەوێن ئەم ڕوژانە تێدە دژین، سەرەرایی کاودانێن نەخوش ژبەر ئەم ماموستا خودان بەهاترین و پیروزترین کارین ناهێلین خەون و زانین و ئومێدێن قوتابیا ڤەمڕن.