ئەم کورد نەبین ئێک دێ ژ ناڤچین ب ئێک ب ئێک

تارق عەبدال
وەکو دیار ب درێژاھیا مێژوویێ، گەلێ کورد ل ھەر چوار پارچێن کوردستانێ توشی ب سەدان کارەسات و ئەنفال و جینوساید کێماباران بوینە، ئەڤ قوربانی یە ھەمی ژ پێناڤی پاراستنا ئاخ زمان چاند و شارستانیەتا خو بویە، لێ خالا ھەرە گرنگ من دڤێت بکەمە ھێڤێنێ ڤێ گوتارێ ئەو ژی ئەوە، دوژمنێن مە ھەمی شێواز و رێک بکارئینای نە بەلێ نەشیاینە ئێرادە و باوەرییا خەلکێ مە بشکێنن، بەلێ بتنێ ئەو شیاینە ب رێکەکێ بزاڤ و شورەش و بەرخودانێن گەلێ ژ ناڤببەن، ئەوژی ئەوە کو ئەم کورد نە تەباو ئێکگرتی بوینە، لەورا دوژمنێن مە ڤێ چەندێ ب دەرفەت دبینن ژبو لاوازکرن و ژنافبرنا مە.
 بلا ئەم گەلەک دیر نەچین ئەڤا نوکە ل کەرکوکێ عەرەبێن شوفینی ھەمبەر ھاوەلاتیێن کورد ئەنجامدایی، کو بویە ئەگەرێ شەھیدبوون و برینداربوونا گەنجێن ب ئەمەک و خودان ھێزو ئێرادەییا پولاین لسەر ئاخ و جھ خویێ رەسەن دھیێنە چەوساندن، ژبەرکو ئەڤە نە جارا ئێکێ و دووێ یە، بەلکو ئەڤە چەندین جاران ئەڤ رێدانە دوبارە دبەن ھەر جارەکێ ب ب شێوازەکی، گازییا مە بو سەرکردایەتی و ھێزو لایەنێن سیاسی ئەوە بلا ئەم جێوازین بین ب ھزر و ئایلدو لوجیێن خو بەلێ ئەم ھەمی دوێ خالێ دا ئێک گوتارو ئێک ھەلویست بین بەرانبەر دوژمنێن خو ب تایبەتی وەکی باژێرێ کەرکوک و ناوچەیێن کوردستانی یێن کێشە لسەر، ئەگەر نە دێ توشی زیان و دەردەسەری و کارەساتێن مەزنترین، لەورا دڤیت ئەڤا چەندێ ریدایی ب سڤک نەوەرگرین بەلکو ئەڤە سەرەتایەکە بو کارو کریارێن چەپەلێن وان شوفینیا، بلا ئەم پیچەکێ بزڤرینە مێژوویا خویا کەڤن بزانین ئێکێ وەکی ھوزانڤانێ مەزنێ گەلێ کورد (جەگەرخوین ) دەما دبێژیت (ئەم کورد نەبینە ئێک دێ چین ئێک ب ئێک) ئەڤجا ئەگەر ئەم قوناغ و شورەش و بزاڤێن بەری نوکە دا مە باجا ڤێ چەندێ دا بیت بلا دنھا دا، ئەم بخو پەندو عبیرەتا ژ دیروکا خو وەرگرین، دەسێتن خو بکەینە تێک دا، دا بشێین ب سەرکەڤین لسەر دوژمنێن خو کو چاوا ئەو ھەمی دبنە ئێک بو ژناڤبرنا مە.