ئەم تێهنیێن ئێکگرتنێ نە

شڤان فتاح عەبدی
دیرۆکا مە کوردان سەلماندییە، کۆ ئێکگرتنێ ئەم بەر ب سەرکەفتان برینە و ژێکڤەبوون و خیانەتێ ئەم تۆشی دەردەسەریێن مەزن کرینە و بۆ چەندین سالان ژ ئارمانجان دویرکرینە !ئێکگرتن دەرمانێ هەمی وان دەردانە یێن ئەم کورد ژێ دنالن و تژی لەشێ مە برین کرین .ئەم تێهنیێن ئێکگرتن و ئێکڕێزیێ نە، ژ مێژەیە لێڤێن مە ب گرنژینا ڤێ ئێکگرتنێ شاد نەبینە و بەختەوەریێ ژ دەڤ مە بارکری و جهێ وان هەر پەیڤەکا نەخوەش گرتییە .
ئەڤرۆ ب دیتنا چەند وێنەیەکێن هەڤپشک یێن ڕێزداران سەرۆک وەزیر و سەرۆک فراکسیونێن پارتێن کوردی ل بەغدا تژی بەریکێن مە هیڤی و شادی و ژیان بوون. ئەڤرۆ پڕانییا خەلکێ هەرێمێ ل سەر ئێکگرتنێ دنڤیسین و تورێن جڤاکی هەژاندن،  گوننەهە بۆ سیاسیێن مە ئەڤ خەلکێ هندە نەخوەشی دیتین و هندە د واستیای و هەدار ل سەر کێشای هەر بگرین و بگرین ..
ئەڤ ئێکگرتنا ئەڤرۆ چەند یا سیاسی و خاپینۆک ژی بت، خەلک هەر یێ گەشبینە، ژخوە شاعرێن مە یێن مەزن ژوان ( ئەحمەدێ خانی و جگەرخوین و تیرێژ ..... ) بانگا کوردان بۆ ئێکگرتنێ کریە (ئەگەر هوون نەبن یەک، هوونێ هەڕن یەک ب یەک) لەوما پێدڤییە ئێدی پێنڤیسێن دکتورێن زانکۆیێ و ڕەوشەنبیر و نڤیسەر و ڕاگەهاندکارێن مە ب کەڤنە دخزمەتا ڤێ ئێکگرتنێ دا هەتا پارتێن مە نەچار دبن هەڤ بگرن و ل داوییا داویێ ژی هەر پێدڤییە یێ مە هەی ب هەڤڕا بخوون .