پێچەوانەی كام ئاداب و كلتور؟

25/04/2021

سنور ساڵح
پێچەوانەی كام ئاداب و كلتور؟
كلتوری خەلەو خەرمان سوتاندن و ژن بەژنە و گەورە بە بچوك و مارەبەجاش و كلكی كەر بڕین و ژن كوشتن و ئاژاوەنانەوە و فیتنەیی و قۆڵبڕین و خەڵەتاندن و فێڵ كردن  لەیەكتری؟

ئاخر ئێوە كە هێندە لەسەر دابونەریت و بەهاكانی كۆمەڵگا بەجوابن، ئەی بۆچی ساڵانە ئەو هەموو ژنە دەكوژرێن و دەستدرێژیان دەكرێتەسەر  نقەتان لێوە نایەت؟ 
ئەم دەسەڵاتە هیچ پیرۆزیەك نەماوە ئەتكی نەكردبێ و سوكایەتی پێ نەكردبێ كەچی تا ئێستا یەك كەسیشتان نەیوێراوە لە ئەكاونتەكەی خۆشیەوە بە چوار دێڕ ڕەخنەی لێ بگرێ.

هەرچی دەوڵەتی ئیقلیمیە بە ئیسلامی و غەیرە ئیسلامیەوە خەریكی قڕكردن و سوكایەتی كردنن بە خاك و سەروەری و كلتور و شعور و پیرۆزیەكانمان، فەرموون لەبەردەم باڵیۆزخانە و دامەزراوە فەرمیەكانیان گردببنەوە و بەردبارانیان بكەن ئەگەر ڕاست دەكەن !
ئەمە جگە لە دووڕویی شتێكی تر نیە.

ئەم مۆدێلە لە بەیاننامە و ئیدانە كردنانە بەسەرچوون و سۆزی خەڵك ناجوڵێنن، چونكە خەڵك دەمێكە ئەجێندای ووڵاتانی دەوروبەری خوێندۆتەوە و ئەم دەسەڵاتە و سێبەرەكانی و ئێوەش باش دەناسنەوە، ئێوەش چیتر لەلای خەڵك جیاوازیتان نییە لەگەڵ ئەو چل پەنجا چەتەیەی دەسەڵاتیان بەدەستە.
ئەوەی خۆی ئامادە كردوە بۆم بنوسێ، ئەگەر كچی تۆبایە لەسەهۆڵەكە سەمای كردبا قبووڵت دەكرد پێی دەڵێم، بەڵێ