بە شاخ كردنی شار

1 مانگ پێش ئێستا

هاوڕێ توانا
ئاشكرایە حكومڕانی خراپی تەوەلا لە دەق و دەزگا سیستەم ئیمتیدادەكەی لە شاخەوەیە، هەڵبەت هێشتا ئێمە باجی ئەو عەقڵیەت و ڕەفتارە ئەدەین كە سەر بە شاخە.
 لێرە دا شاخ وەك میتافۆر وەك ڕەمزی نا شاری بوون و هەڵنەكردن بە پێوەرەكانی حكومی مەدەنی بۆتە ژەنگێك وەردە وردە ژیانی نەوە دوای نەوە دەخوات، كوڕ و كچ و نەوەی كەتاف بەملەكان هەموو شاریەكان و گوندیەكان، بە قەرزار باری خۆیان دەزانن، چونكە لە دونیابینی ئەواندا ئەوان وەچەی كەسانێكن وەك سەركردەكانی تەتار یاسا و ڕێكارە نوسراوەكان نایانگرێتەوە چۆن جەنگیزخان دوای داگیركردنی هەر شار و مەملەكەتێك بە كۆمەڵێك دەستكەوت و غەنائیم سەركردە دەست بەخوێنە كانی خەڵات دەكرد و لەوەش زیاتر كامیان زۆر بكوژتر بوایە ڕێگای پێدەدا كە لەزۆرترین تاوان لە لێپرسینەوە بەدەر بێت .
 
ئیدی ئێمە ئێستا دەست و پەنجە لەگەڵ ئەو نەسلە سەركردە جەنگیانە نەرم دەكەین كە خۆیان لەسەرووی یاسا سزایەكان دەبینن، بەڵام جیاوازی سەركردەكانی تەتار لەگەڵ سەركردە سەربازیەكانی ئێرە ئەوەیە كەوا ئەوان نەوەكانیان ڕێگا پێدراو نەبوون تاوان و تاڵانی بكەن، بەڵكو تەنها سەركردەكان بەخشرا بوون، كەچی لێرە كوڕ كچەكانی پیاوانی شاخیش بەخشراون!
بەكورتی ئەوەی ڕوو دەدات پرۆسێسی بە شاخ كردنی شارە.