غوبارەكەی سلێمانی

1 مانگ پێش ئێستا

هونەر تۆفیق 
سلێمانی لە دیدی ستەمكارترین دەستەڵاتی مێژووی عێراق سەدام حسین دا ناوی شارە سەرسەختەكە (مدینە صعبە) بوو، دواتر مام جەلال ناوی نا شارە حەیاتەكە، لەدروستبوونیەوە شارێكی سەرسەخت و حەیاتیش بووە . 
سەرسەخت بووە بەوەی شێخ ڕەزا گوتەنی (سوخرە كێشی كەس نەبووە) حەیاتیش بووە چونكە هەمیشە داكۆكیكاری ئازادی بووە .باجەكەی چەند گرانیش بووبێت، چێژی لێ بینیووە . 

سەدام حسەین لەهەڕەتی هێز و ڕەهایی دەستەڵاتیدا دەیگوت: هەموو عێراق پابەندی بەعسە، تەنیا ئاسمانی سلێمانی ماوە كە غوبار گرتوویەتی . 
غوباری سلێمانی ئەو سەردەمە، ملكەچ نەبوونی بوو بۆ ستەم و زۆر . دەستەڵاتی ئەو ستەمكارە چەند بەهێزیش بووبێت ، سلێمانی نەیهێشتووە بەئارامی تیایدا بژین و كوڕ و منداڵی ستەمكارەكان بەزۆرملێ و تەعەدا، خەڵك و شار و موڵك و ماڵیان زەوت بكەن .. 

لەهیچ سەردەمێكدا سلێمانی وەكو ئێستا ئاوا سەركز و زەلیل نەبووە. موڵك و ماڵی داگیربكرێت و بێدەنگ بێت. ستەم و زۆری لێبكەن و غوبار نەیگرێت . منداڵە مەسول هەراسانی بكەن و توڕەنەبێت !!