كۆنی چۆن زیرەكانە لە گادفازەردا دەسەڵاتی مافیاكان قڵپ دەكاتەوە؟!

19/07/2021

شادمان محەمەد
پـــوری (ڤینسنت كۆرلیۆنی)، چــۆن زیرەكانە لە بەشی سێی فیــلمی گــــادفازەدا، دەسەڵاتی مافیاكان قڵپ دەكــاتەوە! 
كۆنی كۆرلیۆنی، كە دەكاتە كچە تاقانەكەی گادفازە، هەروەها دەكاتە خوشكە تاقانەكەی سۆنی و فرێدۆ و مایكڵ.
ئەوێك گەر چی لە تەمەنی لاوێتیەوە بە هۆی خراپی و گەوجی مامەلەی مێردەكەیەوە ژیانێكی ناخۆش و پڕ سەرزەنشت دەباتە سەر، لە هەمانكاتدا بە هۆی یاخیبوون و بە گوێنەكردنی قسەكانی مایكڵی برای، بە هۆیەوە مایكل و خانەوادەكەی زۆر نادیدە دەیگرن و تەنانەت گۆشەگیریشی دەكەن. بەڵام بەتێپەربووبی كات زەمەن، شتەكان دەگۆرێن، چەرخی بەخت بە لایدا دەسورێتەوە، ئەویش پاش مردنی گادفازەی باوكی و كوژرانی هەدوو براكەی و پاشان پیربوون و نەخۆشكەوتنی مایكڵی برایەوە ناوی دێتە پێشەوەی خێزانەكەیەوە.

كۆنی كۆرلیۆنی، كە دەشكاتە پوری (ڤیسینت كۆرلیۆنی) زڕكور و كوڕی ناشەڕعی (سۆنی كۆرلیۆنی) برای، بەردەوام لە هەوڵ كوێرنەبوونەوەی دەسەڵاتی خانەوادەكەیدایە. لەو پێناوەدا هەموو هەوڵێكی جدی دەدات كەپێگەی برازاكەی لە پاش مایكڵ بەهێز بكات.

هەربۆیە بەشێك لە ڕۆلەكانی خێزانەكە بەنهێبی كاریان لەسەر دەكات، ئەویش بەپەنابردنە بەر كاری نهێنی و هەروەها  بەهاوكاری و ئامۆژگاریكردنی (برازا ناشەرعییەكەی) لە پێناو گەیاندنی ئەو بە هەرەمی دەسەلات و هێز و پلەی (دۆن؛ واتا؛ گادفازەیی).

 چونكە خــانم كۆنی، زۆر زیرەكانە، هاوشێوەی سۆنی برای سیفاتی هەڵەشە و بەڵەشە و سەرشێتی و یاخیبوون و ئازایەتی لە ڤینسنت كۆرلیۆنیدا برازایدا بەدی دەكات. هەر بۆیە دەبێتە راوێژگاری نهێنی برازاكەی و هەمیشە ئاگاداری دەكاتەوە لە مەترسی نەیارەكانی خانەوادەكەی، بۆیە بە هاوبەشی كار بۆ تەسفیەكردنی نەیارەكانیان دەدەن، بە تایبەت یەكێك لەوانە؛ كارەكتەری (زازا) یە كە بۆتە بەربەست و رێگری تەواو لە بەردەم گەورەبوون و هەژموونی دەسەڵاتی كۆرلیۆنییەكان. 

سەرەتا لە لایەك زازا بە دەستی ڤینست كۆرلیۆنی تیرۆر دەكرێت و پاشان لە لایەكی دی پوری ڤینست كۆرلیۆنیش بۆ خۆشی دەبێتە بەرنامەرێژی زنجیرەیەك تاوانە یەك لە دواییەك.

دواجار كــۆنی رۆلێكی ئێكجار گرنگ و گەورە لە تەسفیەكردنی دوژمنەكانی باوكی دەگێرێت لەوانە (دۆن ئاڵتۆ بیلۆ - ئیللی والاچ) ئەویش بە پێشكەشكردنی (كــێك - شیرینی ژەهراویكراو) لە رۆژی لە دایك بوونەكەیدا!

ئەوەی جێی گرنگییە  لە دیمەنی پێشكۆتاییدا  و لە ئاهەنگی ئۆپێراكەدا (كۆنی كۆرلینی) بە(دووربین) چێژ لە تەماشاكردنی مردنی یەكێك لە نەیارە سەرسەختەكەی باوكی و مایكلی برای وەردەگرێت، لەوكاتدا زۆر چێژ لەو مردنە لە سەرخۆیە دەبینێت... 

لە كۆتایدا كۆنی كۆرلیۆنی رۆلێكی مەزن دەبینێت لە وەرگرتنی كورسی دەسەڵات بۆ (ڤینست كۆرلیۆنی برازاكەی) كە خەونی چەندان ساڵی پێشوویی بوو بۆ ئەوەی كە بچێتە شوێنی مایكل كۆرلیۆنی و ببێتە سێهەم كەسی خێزانەكەی كەنــازناوی دۆن و گــادفازە وەر بگرێت..
لە كــۆتایدا، كۆنی كۆرلیۆنی خەونەكەی خۆی و خانەوادەی كۆرلیۆنییەكانی بەدیهێنا...