چۆن قەلەقی ڕەنگی قژت سپی ئەكات؟؟

08/09/2021

بۆچی  قژت وا سپی بووە؟؟
بەشی یەكەم
د. شادیار حەمەلاو

بەڵگەی ناوێ كە سترێس و قەلەقی كاریگەری خراپی بۆ  تەندروستی جەستەمان هەیە! 
بەڵام ئایا گۆڕانی رەنگی پرچیش هەر پەیوەندی بە خەفەتەوە هەیە؟
دڵەڕاوكێ و قەلەق بوون بۆ ماوەیەكی زۆر ڕەنگی موو دەگۆرێ، چونكە خانە سەرەتاییەكان لەناو دەچن كە بەرپرسن لە دروستبوونی میلانین ی پێست و قژ، میلانین ئەو ڕەنگەی كە ڕەنگی پێست و قژت دیاری دەكات.
 ئەگەر خانەی میلانین دروستكەرت نەمێنێ ، ئەوە ڕەنگی قژت سپی ئەبێ

لێكۆڵەرەوان هاتن چەند مشكێكی تاقیگەیان خستە ژێر سترێسی جیاوازەوە، دوای ماوەیەك بینیان كە بە هۆی بەرزبوونەوەی كۆرتیزۆڵ و ئەدریناڵین لە خوێندا خانە بەرپرسەكان لە دروست بوونی میلانین - ڕەنگی موو - دەمرن و ئەگەر بەردەوام بێ ، كاریگەریەكەی بۆ هەمیشەیی دەمێنێتەو، بەڵام گەر بڕی پێویست لەو خانانە مابن ئەتوانرێ ڕەنگی ڕەشی سروشتی بهێنیتەوە  چونكە كاتێ تاڵەمووەكانی هاتە دەر ئیتر ڕەنگی ناگۆڕێ ، بەڵام بۆ تاڵی تازە پێویست بە میلانینی تازە دەكا. 
بە كورتی 
گۆڕانی ڕەنگی قژ بۆ ڕەساسی و سپی بەشێكە لە پڕۆسەی پیربوون و بەساڵاچوونی ئاسایی مرۆڤ بەڵام هەندێ هۆكار وادەكا ئەو سپیبوونە  لە تەمەنێكی گەنجتر ڕووبدا، یەكێ لەو هۆیانە سترێس و قەلەقی بەردەوامە 
بۆیە خۆتی لێ بپارێزە ..

پرۆفایل
دكتۆر شادیار حەمەلاو
پزیشكی پسپۆڕی جوانكاری و نەخۆشیەكانی پێست.
ماستەر لەنەخۆشیەكانی پێست، لەندەن بڕیتانیا.
پسپۆڕی جوانكاری پێست، ئەڵمانیا / هندستان
ئەندامی كۆمەڵەی پزیشكانی ئەمریكی.