ڕوكنەكانی سەرمایەداری

11/09/2021

هاوڕێ توانا
بەزمانێكی سادە، بازاڕی ئازاد و موڵكیەتی تایبەت و بەتایبەتكردنی كەرتی گشتی، سێ ڕووكنی سەرەكی سەرمایەدارین، سەرمایەداری دینە، خۆی دین چیە؟ دین، دەق و دەزگا و سیستەمە، بەڵام چ دەق و دەزگا و سیستەمێك؟ ئەو دەقەی دەستكاری ناكرێت بەڵام فرە تەفسیرە، ئەو دەزگایەیی توانای كۆنتڕۆڵكردن و ئیحتوای زۆرینەی هەیە،ئەو سیستەمەی كە دەتوانێت چوارچێوەو "واجیهەی" ئەم سێ كایەبێت، بەڵام با ڕوون بێت نە دەق كێشەیە نە دەزگا و نەسیستەم، بەڵكو كێشەكە لەوكاتە دەست پێدەكات كە ئەمانە ئامرازی مانەوەو بەردەوام بوونی نوخبەیەكی دەسەڵات خوازو بازارگان بێت.

ماركس كەدەوڵەت وەك دەزگایەكی كاتی دەبینێت چونكە پێی وایە دواجار دەوڵەت دەبێتە دەزگایەكی تایبەتی نوخبەیەكی سەرمایەدار، با نەی ئاڵۆزێنین هەر بەسادەی و دوور لە تێۆریزەكردن و شەرحی كتێب دەپرسین كەسەرمایەداری دینە، تاخۆ كەسی دیندارو بە تەقوا لەناوسیستەمی سەرمایەداری كێیە؟ 
ئایە سەرمایەداری كە بانگەشەی نەمانی پیرۆزی و بە سەنتەركردنی مرۆڤ دەكات چەندە ڕاستە؟ 

ڕامێنن لە سیستەمی سەرمایەداری ڕێكلام ئەو دەعوە و ئیڕشادەیە كە لەدیندا هەیە، وەك چۆن دین كۆمەڵێك داعی و كاركتەر بەخۆی هەیە، بۆ نموونە: مەلا و بانگخواز لە ئیسلام قەشە ئینجلیستەكان لە مەسیحیەت، مالم و كڵاو ڕەشەكانی جو، بەهەمان شێوە ئێستا لە دنیای سەرمایداری هونەری ڕێكلام جۆرێكە لە ئیرشاد و دەعوە كاراكتەری نمایشی جا سینەمای بن یان وەرزشی یان هونەری داعی بە بازاڕ كردنی كاڵاكانن، ئەوكاڵایانەش پیرۆزن دەكەن ماڕكە بەناوبانگەكانن، ئیدی مرۆڤی بەتەقواش ئەو مرۆڤەیەكە دەتوانێت زۆرترین چالاكی مەسرەفگەرا بێت،ماركێت ومۆڵەكان پێشانگا و كافێ كان و مۆتێل و هۆتێلەگران بەهاكان،ئەو مەعبدوو و پەراستگایانەی سەرمایەدارین، ئێستا بڵێ سەرمایەداری دینە یان نا؟