پەندی پاش-ینان (وەشانی هەڵبژاردن)

2 مانگ پێش ئێستا

گۆران ڕەسووڵ 
١. ئەگەر كاندید نیت، دەنگدەریش مەبە. 
٢. كە چوویە بنكەی دەنگدان، دەست بە قوونتەوە بگرە. 
٣. حیزب لە خەیاڵێك و دەنگدەر لە خەیاڵێك. 
٤. نان بۆ نانەوا، گۆشت بۆ پەرلەمانتار. 
٥. بە بەڵێنی خۆش دەنگدەر لە كون دێتە دەرەوە. 
٦. هەموو پەرلەمانتارێك گۆشتخۆرە، ناوی دەنگدەر بەدە. 
٧. پەنجەی بە مۆر لەسەر زگی برسییە. 
٨. قسە یان لە كاندید ببیستە یان لە منداڵ. 
٩. هەڵبژاردن تا قووڵ بێت دەنگدەر پێ خۆشە. 
١٠. دەنگدان هەزارە، هیچی بەكارە.
١١. هەتا خاوەن ماڵ كاندیدی گرت، كاندید كورسی پەرلەمانی گرت. 
١٢. دەنگدان ڕەگی بێهیوایی بەدەمەوەیە. 
١٣. دەنگی هەڵبژاردن لە دوورەوە خۆشە.
١٤. حیزب بە بەڵێنی خۆی ناڵێ ترشە. 
١٥. كاندید لەگەڵ تۆمە، دەنگدەر گوێت لێ بێ.