گۆڕان بەهۆی پشتگوێخستنی میدیاوە شكستی هێناوە

2 مانگ پێش ئێستا

 تریفە حەسەن
راگەیاندن سەرەتا گەیاندنی پەیامە بۆ وەرگر، لە ڕێگەی راگەیاندنەوە زۆر شت هەیە دەكرێت، بۆ بڵاو هۆشیاری كۆمەڵگە، ناردنی پەیامی راست ودروستە، لە راگەیاندنەوە دەتوانرێت شۆڕشێكی گەورە فەراهەم بكەیت، چونكە زۆربەی زۆری خەڵك میدیا بەكاردێنیت بە هەموو جۆرەكەیەوە.

میدیا هەتا راست ودروست بێت لەگەڵ خەڵك كاریگەری باشترە، لێرەدا دەچمەسەر ئەوەی دەمەوێت بیڵم بە نمونە حزبی گۆڕان، پێشتر لە ڕێگەی میدیاوە بڵندگۆ پەیامی نارد و خۆی ناساندو دواتر بە بەرنامە و پەیامی نارد یەكێك لە هۆكارەكانی مانەوەی راگەیاندن بوو، بوێرانە دەدوا بەتایبەت لە ڕێگەی تەلەفزیۆنەوە.

شكستی گۆڕان بەتەنیا راگەیاندن نەبوو بەڵكو چەندین هۆكاری تری لەپشتە، یەكێك لەوانە هەندێك كادری لە پێشەوە دانا كە ئەزمونی سیاسی وبەڕێوبردن نەبوون، چەندین كەسی تر دووركەوتنەوە لە خاوەن ئەزمونی سیاسی بوون، یەكێك لە شكستانەی تر پێدانی وەعدوبەڵێن بە دەنگ دەران و خەڵكی هەژارونەدار، بەڵام نەیانتوانی هیچ لەو بەڵێنانەی كە زۆر لە میدیاكەیەوە دەوترایەوە وەكو پێدانی موچە بە كابانی ماڵ و دابینكردنی بژێوی كەمئەندامان و چەندین بەڵێنی تر، ئەوبوو وەكو هەمووان دەزانرێت بژێوی ژیانی هەموو موچەخۆرێك خراپ بوو نەك بێ موچەكان و دانەمەزراوەكانی دەرچووانی زانكۆ وەكو خۆیەتی هیچ لە باردۆخەكە نەگۆڕا.

گۆڕان ماوەی دووساڵە تەلەفزیۆن داخستووە، كەواتە ئەو كاریگەرییە لەدەست دا، چونكە لە ڕێگەی میدیاوە باس لە كێشەوگرفتەكانی كۆمەڵگا دەكرێت، ڕێگەچارەسەریش باسدەكرێت، بەڵام میدیای گۆڕان لەو رووەوە غیاب بوو.
 
میدیا رۆڵ وكاریگەری زۆرە وەكو هۆشیاری كۆمەڵایەتی و بەرزكردنەوەی ئاستی رۆشنبیری وئاگاداركردنەوەی لە رووداوەكان، ڕاگەیاندنی دروست باس لە كێشەوگرفت دەكات بەدواداچوونی بۆ دەكات روبەڕوی لایەنی پەیوەندیداری دەكاتەوە.

ئەوە گۆڕان لەو رووەوە ونبوو، بێ دەنگ هەڵبژاردن بەرامبەر ئەو هەموو ناعەدالیە هیچ كاردانەوەیەكی نەبوو لە ڕێگەی میدیایی فەرمی حزبەكەیەوە، گۆڕان میدیایی حزبەكەی پشتگوێخست بۆیە شكستی هێناوە.