ئەنجامدانی یۆگا ئارامی دەروونە یان ناسینی خود؟

8 مانگ پێش ئێستا

سۆزیار بەختیار 
هەرچەندە لە كۆمەڵگای ئێمەو لە كوردستان سەنتەری زۆری یۆگا هەن كۆمەڵێ خەڵك ڕووی تێ دەكەن بەڵام بەشێكی زۆری كۆمەڵ و كەسانی ناو كۆمەڵگا شەرەزای یۆگا نین یاخود بە هەڵا لە یۆگا تێگەشتوون .

یۆگا وەرزشێكی تایبەتی جەستە و ڕێبازێكی ڕۆحی و دەروونیە هاوسەنگیەك لە نێوان ڕۆح و لەشی مرۆڤ درووست دەكات وە دەكات بزانرێت كە خودی خۆت دەروونی تاك چیە و بدۆزرێتەوە وزە شارەوەكانی ناوەوەت وەدەردەخات وەرزشێكی فكر و هزری تاكە لەگەڵ ئەو وەرزشە تایبەتە وا دەكات تاك بكەویتە ناو بیركدنەوەیەكی قوڵ و خودی خۆی ڕاستەقینەی تاك لە كۆت و بەند بێتە دەرەوە.

دەتوانرێت بوترێ زانستێكی دروستی ژیانكردنی خودە لێرەدا هەوڵی خۆناسین دەدرێ كۆنڕۆڵی نەفس دەكرێت وە دورت دەكاتەوە لە ڕەفتار و خەسڵەتە نەریێنیەكانت وەك ڕق و كینە و توڕەیی خۆشەویستی و سۆز لە ناخدا گەشە دەكات وا دەكات كە پەیوەندیەكی تەندروست هەبێ لە نێوان جەستە و فكری تاك وات لێ دەكات زۆر كات چێژ لە تەنیای ببینرێت ، یۆگا وە دەكات كە لەو كەسایەتیە وەدەر بێیت كە كۆمەڵگا و چواردەور بە تۆی بە خشیوە هاوكات ئەم پێگە كۆمەڵەیەتیە یاخود ئەو كەسایەتییە پێویست دەكات لێی ئازاد بیت وە بێگانە  و نامۆ نەبیت لە بنەڕەت و خودی ڕاستەقینەی خۆت ، وەك چۆن دەبیسترێت كاتێ باس لە خودی ڕاستەقینەی انسان دەكرێ بە خورافات و وەهمی دەزانن لە كاتێكدا ێەمە هیچ بنامەیەكی نییە بەڵكو وەهم ئەو كەسایەتیەیە كە كۆمەڵگا وەك بەرگێك لە تۆی ناوە بۆیە یۆگا میتۆدێكی زانستیە كە وا دەكات ئەو بنەڕەتەی خۆت بدۆزیتەوە.

پێویستە لەسەر هەر تاكێك ببێت بە خودی خۆی یۆگاش یەكێكە لە ڕێگا و ڕێبازێكی تەندروست بۆ دۆزینەوەی ئەو بنەڕەتەی تاك