نـــییۆ چــۆن دەگــەڕێتــەوە؟

21/11/2021

(چــیرۆكــی قــوربـانیدانـی نیـیۆ - NEO لـەپـێناو مـانەوەی مــرۆڤایەتیدا.)
شادمان محەمەد
- نییــۆ(Keanu Reeves)، ئەندازیارێكی كۆمـپیوتەرە، یــاخود بڵێین؛ شارەزایەكی بێوێنەی پـرۆگرامی كـۆمپیتورە وەك كــاری (ئــای تی)، بەڵام لەهەمانكاتدا (هاكـەرێكی لێزان و بە توانا و شارەزا و كاسبكاریشە)، پاش كـۆكردنەوەی زانیاری لەسەر نـییـۆ، بە تایبەت لـەڕێی (مۆرفیوس - Laurence Fishburne)ەوە، دواتر داوای لێ دەكرێت كە بــێتە ناو بازنـەی پرۆگرامی(ماترێكس)ەوە، تاوەكو هـاوكار بێت لە پێناو كۆتایهێنان و وەستاندنی جەنگ لە نێوان (مرۆڤ ومــەشینەكان - ئــالییەكان - humanity and intelligent machines). 
ئــەم جەنگە دەكەوێتە شــاری(زیــۆن - the underground city of Zion)ەوە، بۆتە دوامۆڵگە و دواپێگەی یەكلاكردنەوەی جەنگ لەنێوان مرۆڤ و مەشینەكان، وە تاكە شاریشە كە وەك (شارێكی ئارام) بە دەست مرۆڤەكــانەوە مابێتەوە.
پێكهاتەی جوگرافیا و دیمۆگرافیای شاری زیۆن، دەكەوێتە نزیكترین شوێنی چەقی زەوییەوە كە لە پلەیەكی بەرزی گـەرمی سووتێنەردایە، ئەم جێگەیە پێویستە لەسەر مرۆڤەكان بەرگری تەواوی لێبكەن تاوەكو نەهێڵن لە لایەن مەشینەكانەوە كۆنترۆل بكرێت و پاشان سنوورێكیش بۆ دوا هێرشی گەورەی یەكلاكەرەوەی كاولكەر و وێرانكەری مەشینەكان بێت.
نییـۆ، یەكێكە لە كارەكتەرە سەرەكی و گرنگەكان، بە خاڵی وەرچەرخانی زۆربەی ڕووداوەكان هەژمار دەكرێت، هەمیشە دەكەویتە چەقی ململانێێی رووداوەكانەوە، كەواتە؛ نیـیۆ رزگاركەرە، زۆرێك لە تاقیكردنەوە زانستی و ئەلكترۆنییەكانی لەسەر جێبەجێ دەكرێت كە ناتوانرێت لەسەر كارەكتەرێكی دیكە جێبەجێبكرێت، چونكە نییۆ(هــەڵبێژردراوە)! تەنانەت هێزێكی لە ڕادەبەدەر بەهێز و كاریگەری هەیە و دەتوانێت بە دۆخی (نــابینایی)شەوە شتەكان هەست پێبكات و بیانبینێت، وە تاكە كارەكتەرە كە دەتوانێت رووبەرووی مەزنترین هێزی ركـابەر ببێتەوە كە ئەویش بریـكار (سمیس - Agent Smith)ە، بەجۆرێك هێزی بچێتە سەروو هەموو هێزی هەموانەوە. بــەڵام نییـۆ لە پێناو قوربانیدان بەمانەوەی مرۆڤایەتیدا دەبێت خۆی بكاتە قوربانیەكی مەزن، ئەمەش بە واتای؛ كـۆتای نییۆ! چونكە ئیتر لەوێدا چیرۆكی نـییـۆ كۆتای دێت، بەڵام لەگەلیدا مرۆڤەكان سەردەخات بەسەر مەشینەكاندا.
لە كۆتاییدا ئایا لە بەشی چوارەمدا دەبێت نییـۆ چۆن زیندوو بكرێتەوە! 
وە ئایا دەبێت هێزەكەی چەند بەرانبەر ببێتەوە؟ 
وە دەبێت سەر لەنوێ چۆن بگەرێتەوە ناو چەقی ململانێكان! 
كەواتە؛ دەكرێت بەشی چوارەم زیاتر شیكردنەوەی ئەم لایەنە بێت؛ بەوەی نیـیــۆ چۆن دەگەرێتەوە!