شەهادەی بێ كار، یان كارێكی سەربەستانە..!

24/11/2021

سەڵاح محەمەد
سێ زانكۆی رێكوپێك و پێشكەوتوو، دەتوانن چی كادیری پیشەیی و زانستی و ئیداری هەیە لەم هەرێمەدا بەزیادەوە، دابینی بكەن.
 ئەسڵن زانكۆكان نیوەیان زیادەن، ساڵانە هەزاران كەسی بێ بەرهەم دروستدەكەن، نە پیشەیەك دەزانن، نە تەعین دەكرێن. بێ ئومێد دەبن لە ژیان، ئیتر سوودی زانكۆو ئەو خوێندنە چییە ئاخر...؟

 لە جیاتی ئەو هەموو زانكۆ زیادەیە، چوار پەیمانگای پیشەیی بكەنەوە باشتر نییە....؟
خەڵك فێری پیشەیەك بكەن باشترە.. 
خەڵك فێری وەستای سپلت، موبایل، ئەلكترونیات، كارەباییات، دارتاشی و كشتوكاڵ و سەرتاشی و وەستای سەیارەو دەیان پیشەی دیكە بكرێ، لەوە باشترنییە كە ئایندەیان بسووتێ و 16 ساڵ بخوێنێ و تەعین نەكرێ..؟
با دوو ساڵ لە پەیمانگا بخوێنێ، هیچ نەبێ فێری پیشەیەك دەبێ و ژیانی خۆی دابیندەكات...

لەوەیە زۆر كەس ئەمەیان بەلاوە سەیربێ، بەڵام چارەی دیكە هەیە..؟ كە دامەزراندن نەبوو چیدەكەی؟
ڕاستییەكیش هەیە، وڵات پێویستی بە دەستیكارو پیشەی دیكەش دەبێ، خۆ ناكرێ هەموی هەر موچەخۆر.!
ئایا وڵات پێویستی بەو پیشانە نییە كە باسمكرد؟
تۆ كە خانوویەك دروست دەكەیت، كێ ئیشووكارەكانت بۆ دەكات؟
سەیارەكەت، جلشۆرەكەت، موبایلەكەت، خراپ دەبێ، كێ بۆتی چاكدەكات؟

ئێستا بەلای كەمەوە، 200 هەزار دەرچوی زانكوۆ پەیمانگاكان هەیە، بێ ئێشووكارن، ئومێدی دامەزراندنیشیان نیە، زۆربەشیان بێكارن و هیچ كارێكیش نازانن.. باشە چارە چییە؟
خۆ چەند ساڵێكی دیكە ژمارەكە دووهێندە دەكات..؟ ئەی نابێ پلانت هەبێ بۆ ئایندە؟
 لەجیاتی ئەوەی بێ ئیش و بێ دامەزراندنبن، فێری پیشەیەكبن باشتر نییە؟ 
پیشەیەك كە خاوەنەكەی هەڵگری بڕوانامەبێ و پڕۆفیشناڵ و شارەزابێ تێیدا، نەك خاوەن بڕوانامەبی و بێ ئیشووكاربی...