خوێندكاران تاكە پیرۆزی سەر زەوین

25/11/2021

دارا ئەنوەر زۆراب/ كۆمەڵناس 
ئەوانەی ئێستا خوێندكارن، ڕەنگە لە چەند ساڵی داهاتوو، ببنە گەورەترین داهێنەری سەر زەمین، هەریەكەیان بەو توانایەی كە هەیانە ڕابەرایەتی هەموو مرۆڤایەتی بكەن، مرۆڤایەتی ڕزگار بكەن.

خوێندكاران تەنها موڵكی خۆیان و خێزانەكانیان و زانكۆكانیان كۆمەڵگەكانیان نین، خوێندكاران دروستكەری مرۆڤایەتین و داهاتووی مرۆڤایەتین . 
ئەم بونە گەورەو پیرۆزە لە هەر شوێنێك كە هەیە ناوی خوێندكارە، هەمیشە دەبێت بە گەورەییەوە سەیریان بكەین كە چاوەڕوان دەكرێت ببن بە هەموو لوتكەكانی زانست و جوانی دونیا .

خوێندكارەكان لە مامۆستاكان سەرۆكەكان ...هتد ، پیرۆزترن، ئەوان بوون بەوەی كەهەن، بەڵام خوێندكارەكان دەبن بەهەموو شتێك، هەمیشە وا سەیریان بكە ڕەنگە یەكێكیان ببێتە نیگار كێشێك یان مۆزسیان و وەرزشەوانێك كەهەموو جیهان و مرۆڤایەتی فەخر بەم بونەوە بكەن.
ڕەنگە یەكێكیان ببێت بەدكتۆرێك ملیۆنان مرۆڤ لە مردن ڕزگار بكات، ڕەنگە تیاندا بێت ببێتە ئاوەدانی بۆ هەموو جوانیەكانی مرۆڤایەتی. ئەم بونە پیرۆزە كەناوی خوێندكارە پێویستە بەو گەورەیەی كەهەیانە سەیریان بكەین، هەموو سەرخان و ژێرخانی وڵات بخرێتە خزمەتیان، نەك ئازار بدرێن.

 ئەوان ئێستا خوێندكارن بەڵام داهاتوو ڕوناكین نەك بۆ خۆیان و خێزان و كۆمەڵگەكەیان، ڕوناكین بۆ داهاتووی مرۆڤایەتی.
بۆیە تكایە توندوتیژی بەرامبەر خوێندكاران بەكارمەهێنن.