شروبی ئاسن یاخود ڤیتامینەكان دەبێتە هۆی گۆرینی رەنگی ددانەكان!

4 مانگ پێش ئێستا

د. تروسكە عەبدوڵا
 ئایا منداڵەكەت لە پڕ رەنگی ددانەكانی گۆراوە؟!
دیاردەیەكی باو كە زۆربەی خەلك لای بۆتە پرسیار لە پڕ گۆرینی رەنگی ددانەكانە،ئەم حالەتەش بە شێوەیەكی بەرچاو و دیار لە منداڵاندا هەستی پێدەكرێ و كاریگەری ئەم دەرمانانەیان زیاتر لەسەردەكەوێ ...بۆچی؟!
چونكە ددانی منداڵ لە تەمەنی گەشەكردن و دروست بوونی پێكهاتەكانیدایە و پێویستە بە ئاگاداری و لە ژێر رێنمایی پزیشكی پسپۆر دەرمان بۆ   بەكاربهێنرێ وەرگرتنی بڕێكی زۆر لە م ماددانە كاریگەری خرپیدەبێت لەسەر تەندروستی جەستە بە گشتی .
لەگەڵ ئەوەی دەرمانەكانی وەك شروب و قەترەی ئاسن و ڤایتامینەكان ئەم كاریگەرییە لاوەكیەیان هەیە لەسەر ددانەكان  بەڵام لە كاتی كەمی ماددەی ئاسن یاخود ڤایتامینەكان كاریگەری نەرێنی دەردەكەوێ لەسەر ددانەكان و تەواوی جەستە و ددانەكان پێكهاتەیان لاواز دەبێ و بەرەو گۆرانی رەنگ دەچن بۆیە ناچارین ئەم ماددانە بەكار  بهێنین  بە رێژەیەكی تەندروست و پێویست كە پزیشك ڕێژەكەی دیاری دەكات
 بۆ ئەوەی ئەم كاریگەریە خراپەی گۆرانی رەنگی ددانەكان و خراپبوونیان كەم بكەینەوە ، دەكرێ چەند رێگایەكی خۆپارێزی بەكاربهێنین..
رێگاكانی خۆ پارێزی چین؟
1-دەتوانرێ قەسەب بۆ خواردنەوەی شروبی ئاسن وڤایتامینەكان و دەرمانەكانی هاوشێوەی بەكاربهێنرێت تاكو بەر رووی ددانەكان نەكەوێ و زیانیان پێ نەگات و تێك نەچن .
2-دەكرێ دوای پێدانی ئەو دەرمانانە، راستەو خۆ ددانەكان بشۆردرێن  و رووی ددانەكان پاك بكەیتەوە بۆ ئەوەی  ئەم دەرمانانە بەسەر رووی ددانەكان نەمێنێتەوە
3-سرنجی تایبەت بە پێدانی دەرمان هەیە لە دەرمانخانەكان و دەتوانرێ بەكاربهێنرێ.
4-
چارەسەرەكان چین؟
 ددان شۆردن لە ماڵەوە بە فڵچەی ئاسایی وهەویری ددان ئەگەر ئەمە كاریگەری نەبوو و رەنگەكە لانەچوو،پێویستە سەردانی پزیشكی ددان بكەیت و لای ئەو ددانەكان پاك بكەیتەوە و رەنگەكەی لاببەیت.