چـەمكـی خـێـزان...

05/05/2022

شـادمان محـەمـەد
(دەكـرێت بـۆنەكان، چانس و فرسەت و هەلێكی گونجاو بێت بۆ دوبارە پــڕكردنەوەی مەودای دووری و بۆشایی و كەلێنی نێوان ئەندامانی خێزانــەكانەكان).

رەنگە قـەشەنگترین كـۆبوونەوە، كـۆبوونەوەی خانەوادەكـان بێت، بەتایبەت لە كۆڕ و كۆبۆنەوەكاندا. هەربۆیە گەر لە ماوەی رابردوودا، خێزانەكان بەهۆی سەرقاڵیان بە كارەكانی رۆژانەیانەوە وەك؛«پیشە و مەعیشەت و ژیانكردن و قورسای ساتەكانی ژیان» كە هەمیشە وەك سێبەرێك بەسەر شانی هەموانەوە بوونی هەیە، نەیانتوانیبێت وەكو پێویست لەنزیكەوە چێژیان لە ببیبین و كۆبوونەوەكان وەرگرتبێت، بۆیە دەگونجێت لە بۆنەكاندا، لانیكەم قەرەبووی ئەو بۆشایی و كەلێن و فەراغە بكرێتەوە، ئەویش بەدووبارە دانیشتنی ئەندامانی خێزان لە بەرانبەر و لە تەنیشت یەكترییەوە،   ئەویش بەئالۆگۆری دیالۆگی باش و بزە گۆرینەوە و باسكردنی خەم و ناخۆشیەكان و پاشان رەوینەوەی خەمە كۆكراوەكان، چونكە بناغەی بەهێزی خێزان هۆكارە بۆ دروستكردنی رەگێكی تۆكمەی بەهێز لە ناو ماڵەكاندا وە ئەمجۆرە كاركردنە لە پەروەردی خێزاندا، جگە لەوەی كاریگەری پۆزەتیڤ و باش بۆ سەر پرۆسەی پەروەردەی خوێندن دەبێت، لە هەمانكاتدا دەبێتە بەربەست و دیوارێكی پۆڵایین، لە بەرانبەر لەقبوون و هەلوەشاندنەوەی لەناكاو و نەخوازراوی پەیوەندییە خێزانییەكـان.

ســەرنج:
خوێندنەوەی زمانی جەستەكان لە وێنەكەدا پێمان دەڵێن:«مــایكل، هەر لە منداڵییەوە كــوڕی نازدار و نزیك و یەكەمی باوكی بووە، سۆنـی، هاوشێوەی گەورەبوونی هەر بێباك دەردەكەوێت، بەڵام لەگەلیدا بزەی بە شوێنی دانیشتنی مایكڵ دێت! فرێدۆ؛ هاوشێوەی گەورەبوونی جۆرێك لە غیرەكردنی لە بەرانبەر مایكلدا هەر هەیە، كۆنی، تاقە كچیش لە باوەشیدا دایكدا بە بزەیەكی زۆرەوە ئۆقـرەی گـرتووە.