پارتی و یەكێتی: ناكۆكی بۆ مانەوە

هونەر تۆفیق 
نهێنی مانەوەی پارتی و یەكێتی ، سەرباری ئەو هەموو قەیران و كێشە و گرفتانەی لە ماوەی حوكمڕانی هاوبەشیاندا بەسەر خەڵك و خاكەكەیدا هاتووە، پەیوەستە بە بەردەوامی ناكۆكی نێوانیانەوە. بۆیە مانەوەیان لە هەناوی ناكۆكیەكانیاندایە . 

هەركاتێك پارتی فەشەلی لە بەڵێن و پرۆژەیەكی چارەنووسسازدا هێنابێت لەنمونەی شكستی ڕیفراندۆمەكەیان، ئۆباڵەكەی دەخاتە گەردنی یەكێتی. 
هەروەها یەكێتیش هەر كاتێك فەشەلی هێنابێت لەو بەڵێنانەی بەناوی حوكمڕانیەكی جیاوازەوە بەخەڵكی دابێت، هۆكارەكەی دەبەستێتەوە بە پارتی یەوە. 
هەردووكیشیان بەیەكەوە ( وەك دوو حیزبی هاوپەیمان) كاتێك لە بەڵێنێكی هاوبەشدا شكست دەهێنن، بۆ ئەوەی ئیعتراف بە شكستی خۆیان نەكەن و پێ لەهەڵەكەیان نانێن و خەڵك تاوانباردەكەن بە سەبەبكاری شكستەكەیان. لەنمونەی شەڕی ناوخۆی نێوانیان .