‎سەیركردنی فیلمی سێكسی دەبێتە هۆكاری جیابوونەوە؟

پارێزەر: گۆران ساڵح عەبدولقادر
ئایا سەیركردنی فیلمی سێكسی "پۆڕن" لە لایەن یەكێك لە هاوسەرەكانەوە دەبێتە هۆكار بۆ داوای جیابوونەوە ؟
‎ئالودەبون بە فیلمی سێكسی بریتیە لە دروستبوونی ئارەزووی لە ڕادەبەدەری بینەر بۆ تەماشاكردنی وێنە و ڤیدۆی سێكسی تا دەگاتە خۆخاڵیكردنەوە و دواتر بە لادانی سێكسی " انحراف جنسی" كۆتای دێت.
‎ساڵی ٢٠٠٧ لە ئەمریكا لێكۆڵینەوەیەك ئەنجامدرا ئەوەی سەلماند زۆربەی پیاوان ئالودەی وێنە و ڤیدۆیی وروژێنەرن بەوەش قیمەتی هاوبەشی ژیان ( ژن ) لەلای پیاوان كەم دەبێتەوە و حاڵەتی جیابوونەوە  و لەیەكترڕاكردنی لێدەكەوێتەوە ، لەبەر ئەوەی پیاو هاوسەرەكەی لەگەڵ ئەو ئافرەتانەدا بەراورد دەكات كە لە گرتە ڤیدۆیەكەدا نواندن دەكات.! هەر لە هەمان لێكۆڵینەوەدا  ئەوە خرایە ڕوو كە تەماشاكردنی ڤیدۆیی سێكسی " ڕەزامەندی جەستەیی" لە لای هەردوو هاوسەر كەم دەكاتەوە لە ڕووی " شێوەی لەشولار و هەستی سێكسی و مومارەسەی سێكسی"!
‎دەروونپزیشكی ئەمریكی برین ڕینا  دەڵێت تەماشاكردنی فیلمی  سێكسی بە تەنها پەیوەندی هاوسەری وێران ناكات بەڵكو تەندروستی و تێڕوانینی هاوسەران بۆ سێكس دەشێوێنێت.
‎لە ساڵی ٢٠١٦ هەمان پزیشك " برین ڕینا " لەگەڵ شەش توێژەری دیكەدا  هەستان بە توێژینەوەیەك لە ژێر ناونیشانی " ئایا فیلمی سێكسی هۆكارە بۆ نەخۆشییە سێكسیەكان ؟
‎ئەنجامی توێژینەوەكە بریتیبوو لە  (بەڵێ  دەبێتە هۆی درەنگ ڕەپبونی چوك ، درەنگ ئاوهاتنەوە و فڕێدانی تۆو ، چێژنەبینین لە هاوبەشی ژیان "ژن" )
‎دالیا دسوقی مامۆستا زانكۆی منوفیە لە ووڵاتی میسر توێژینەوەیەكی لەسەر ١٥٠٠ هاوڵاتی میسری كرد ، بۆی دەركەوت كە ڕێژەی سەیركردنی فیلمی سێكسی لە نێوان
‎" هاوسەرەكان" زیاترە وەك لە سینگڵەكان ،هاوسەرەكان دەیانەوێ لە ڕێگەی سەیركردنی فیلمەوە بگەن بە "چێژی خەیاڵی".!
‎سەیركردنی فیلمە سێكسیەكان لەگەڵ ئەوەی چەندین  نەخۆشی جەستەی و دەروونی تووشی بینەر دەكات سەرەڕای ئەوەش سەردەكێشێت بەرەو توندوتیژی سێكسی ، دەستدرێژی سێكسی ، گێچەڵی سێكسی...هتد
‎لە یاسای بەرەنگاربوونەوەی خێزان لەتوندوتیژی لە هەرێمی كوردستان  ژمارە ٨ ساڵی ٢٠١١ ، كە یاسایەكە پەیوەندی نێوان تاكەكانی خێزان  ڕێكدەخات ، 
‎لە ماددەی دووەم بڕگەی یەكەم هاتووە  دەڵێت لە چوارچێوەی خێزاندا توندوتیژی جەستەی و جنسی و "دەروونـــــــی"  لە تاكەكانی خێزان قەدەغەدەكرێت  وە هەندێك نمونەی باسكردووە ( علی سبیل مپال )،  گومانی تێدانیە ئافرەت دەروونــــــی ئازاردەدرێت كاتێك هاوسەرەكەی بینەری ، یاخود ئالودەی فیلمی سێكسییە.
‎ئەم بابەتەش  كاریگەری لەسەر پەیوەندی هاوسەریی جێدەهێڵێت دەچێتە چوارچێوەی توندتیژی دەرونییەوە، توندوتیژییەكەش زیـــان  بە بەرامبەر "ژن" دەگەینێت ، وە یاسای باری كەسێتی عێراقی ژمارە ١٨٨ ی ساڵی ١٩٥٩ و هەموارەكەی لە هەرێمی كوردستان   " زیانگەیاندنی " كردۆتەوە یەكێك لە هۆكارەكانی جیابوونەوە هەر وەك لە مادە ٤٠ ی یاساكەدا هاتووە ، واتە هەركاتێك یەكێك لە هاوسەرەكان زیان بەوی دیكە بگەیەنێت ، ئەوا لایەنەكەی دیكە دەتوانێت داوای جیابوونەوە بكات.
‎هەرچەندە ئەم بابەتە زۆر بە كەمی  و بە دەگمەن دەهێنرێتە دادگاكانەوە دەكرێن بە كەیس، ئەوەش دەگەڕێتەوە بۆ  شەرم و ئابڕوی  ئافرەت ، بێدەنگی كۆمەڵگا لە ئاستی ئەو بابەتە، وە كێشەكەش بە چارەسەرنەكراوی دەمێنێتەوە ، دواجار دەگاتە بنبەست و جیابوونەوەی هاوسەری لێدەكەوێتەوە.